71).Gj 1

રામ બાંધે સાગરને સેતુ ખિસકોલી

જાણે લંકાનો કો પ્રલયકેતુ ખિસકોલી

કપિ પર્વત ઉપાડી લાવે કાંધે ખિસકોલી

કપિ સેતુ દિવસરાત બાંધે ખિસકોલી

એક નાની શી આમતેમ કૂદે ખિસકોલી

કાંઠો સિંધુનો આખો દી ખૂંદે ખિસકોલી

જરા વેળુમાં જઈ એ આળોટી ખિસકોલી

જઈ ખંખેરી સેતુએ રજોટી ખિસકોલી

સહુ વાનર ને રીંછ હસે જોઈ ખિસકોલી

ઘણો દરિયો પૂરવાની વાલામોઈ ખિસકોલી

જોઈ ગમ્મત ત્યાં રામ આવી જુએ ખિસકોલી

આંખે હરખનું આંસુ એક લૂએ ખિસકોલી

મારો સૌથી નાનેરો સૈનિક તું ખિસકોલી

હવે પામીશ સીતાને ખચીત હું ખિસકોલી

એમ કહીને પસવારી હાથ મીઠે ખિસકોલી

પામી પટ્ટા તે દા’ડાથી પીઠે ખિસકોલી

– ઉમાશંકર જોશી.